दक्षिण कोरियामा राष्ट्रपति युन सुक-योललाई हटाउन ल्याइएको महाभियोग प्रस्ताव असफल भयो। यसलाई पारित गर्न २०० मत चाहिन्छ, तर विपक्षीसँग जम्मा १९२ सांसद थिए। यसबाहेक सत्तारुढ दलका तीन सांसदले पनि उनको पक्षमा मतदान गरेका थिए ।
त्यसपछि मतगणना नगरी प्रस्ताव खारेज भएको थियो । महाभियोगमा मतदान हुनुअघि सत्तारुढ दलका १०८ मध्ये १०७ सांसदले सदनबाट वाकआउट गरेका थिए । तर, पछि यीमध्ये ३ जना सांसद फर्किए ।
दक्षिण कोरियाली संसदका सभामुख वू वोन शिकले यो नतिजालाई लोकतन्त्रका लागि निकै खेदजनक र लाजमर्दो भनेका छन् ।
डिसेम्बर 3 मा, राष्ट्रपति यूनले विपक्षी पार्टीलाई उत्तर कोरियासँग मिलेर राष्ट्र विरोधी गतिविधिमा संलग्न भएको आरोप लगाएपछि देशमा मार्शल ल लागू गरे। त्यसपछि विपक्षीले उनीविरुद्ध महाभियोगको प्रस्ताव ल्याएका थिए ।
बुधबारबाट नयाँ संसदीय अधिवेशन सुरु भएपछि विपक्षी दलहरूले फेरि महाभियोग प्रस्ताव पेश गर्न सक्ने सम्भावना छ।
